Orð og sögur er samstarfsverkefni Bókasafns Garðabæjar, fræðslu- og frístundasviðs, skólabókasafna, grunnskóla og leikskóla bæjarins. Verkefninu verður ýtt formlega úr vör á degi íslenskrar tungu, 16. nóvember, í kjölfar skemmtilegrar undirbúningsvinnu í leik- og grunnskólum bæjarins. Nánar hérna: https://www.gardabaer.is/frettir/ord-og-sogur Markmið verkefnisins er m.a. að: 👉Efla orðaforða 👉Auka lestrargleði 👉Styrkja frásagnarhæfni og sköpun 👉Varðveita tungumálið okkar 👉Kynna bókasafnið sem lifandi samfélag og sameign íbúa. Verkefnið verður í hámarki dagana 16. - 20. nóvember og það verður nóg um að vera á bókasafni Garðabæjar á meðan á því stendur. Við hvetjum ykkur til að kíkja í heimsókn á bókasafnið og fylgjast með á samfélagsmiðlum Garðabæjar og bókasafnsins.