Norðlenskt, nýtt og svolítið blótað 💬 Hvað eiga norðlenskur framburður, mannanöfn og blótsyrði sameiginlegt? Allt þetta og fleira kemur við sögu þegar við fögnum degi íslenskrar tungu með opinni málstofu í Háskólanum á Akureyri! 📅 16. nóvember kl. 12:00–13:00 📍 Stofa M102 í HA Við ræðum íslenskuna frá ýmsum hliðum — frá stolti Norðlendinga af eigin framburði til þess hvernig húmor og blótsyrði geta nýst í íslenskukennslu. Á dagskrá: 💬 „Maður er náttúrulega svo stoltur af því að vera Norðlendingur“: Viðhorf Norðlendinga til eigin framburðar Kristín Margrét Jóhannsdóttir og Finnur Friðriksson 💬 TALÍS — kynning á verkefni um nám og kennslu íslensku sem annars tungumáls Hermína Gunnþórsdóttir, Kristín Margrét Jóhannsdóttir og Finnur Friðriksson 💬 Jónas Rannveigarson eða Hallgrímsson? Deilur um nöfn á Íslandi á 19. og 20. öld Páll Björnsson 💬 Helvítis fokking fokk: Húmor og blótsyrði í kennslu íslensku sem annars máls Ingibjörg Sigurðardóttir Öll eru hjartanlega velkomin! Komdu og hlustaðu, spjallaðu og fagnaðu íslenskunni með okkur.