Kristín R. Vilhjálmsdóttir kynnir skapandi leiðir til að virkja fjölbreytta menningu, tungumál og samskipti nemenda á íslensku um það sem skiptir máli í lífi þeirra. Áhersla er lögð á það sem sameinar okkur samhliða því að viðurkenna fjölbreytileikann og fjöltyngi sem auðlind í samfélaginu. Vinnusmiðjan er haldin í tengslum við MEMM-verkefnið og í samstarfi við Miðstöð menntunar og skólaþjónustu og skóla- og frístundasvið Reykjavíkurborgar. Skráning: kristinvil@gmail.com Viðfangsefni sem komið verður inn á: ------------------------------------- -Menningarhugtakið og það að stuðla að menningarnæmi og menningarfærni meðal barna og ungmenna -Tungumálavitund allra nemenda (það einstaka við tungumál og það sem er sameiginlegt, tungumál sem auðlind). Hagnýtar leiðir sem verða kynntar: ----------------------------------- -Menningarmót - kennsluferli til að virkja reynsluheima nemenda, stuðla að gagnvirkum skilningi og samkennd. -Töfrakista tungumálanna - nýtt námsefni frá Miðstöð menntunar og skólaþjónustu. Markmið þess er að vekja forvitni og áhuga nemenda á tungumálum og efla tungumálavitund þeirra. -Vinna með skapandi sjálfsmyndir Umsjón: Kristín R. Vilhjálmsdóttir, höfundur verkefnisins Menningarmót, ráðgjafi og menningarmiðlari