Hinn árlegi Ljósafoss niður hlíðar Esjunnar mun eiga sér stað laugardaginn 14. nóvember 2026😍 Síðustu ár hefur Ljósið notið dýrmæts stuðnings frá Sjóvá í undirbúningi og framkvæmd á göngunni. Í fyrra tvöfaldi Sjóvá stuðning sinn til Ljóssins og við erum svo heppin að þau ætla að endurtaka leikinn í ár og styrkja Ljósið um 2.000 kr fyrir hvern þann sem mætir við Esjurætur. Hjartans þakkir Sjóvá🩷 ✨Við hvetjum öll þau sem geta að taka þátt með okkur!✨ Aðgangur er ókeypis💛 Við hittumst á bílastæðinu við Esjuna kl.15:30 og leggjum af stað klukkan 16:00 upp að Steini. Þaðan munum við svo ganga niður með höfuðljósin kveikt og mynda fallegan Ljósafoss í þann mund sem myrkrið skellur á. Með þessum skrefum okkar vekjum við athygli á mikilvægi starfsemi Ljóssins sem er endurhæfingarmiðstöð fyrir krabbameinsgreinda og aðstandendur þeirra. Þorsteinn Jakobsson fjallagarpur leiðir gönguna eins og undanfarin ár og björgunarsveitin Kjölur verður á staðnum🏃🏼‍♂️ Við hvetjum alla gönguhópa og fjallagarpa að reima á sig gönguskóna og hjálpa okkur að láta Ljósið skína🌞 Hlökkum til að sjá ykkur!🥰