Rithöfundarnir Björn Halldórsson og Steinunn Sigurðardóttir eru bæði með bækur í jólabókaflóðinu í ár: Steinunn með skáldsöguna Veisla þrjú og Björn með skáldsöguna Ókunnugt fólk. Á Bókviti í Hannesarholti munu þau lesa úr bókunum sínum og spyrja hvort annað spjörunum úr um verkin, um skrifvenjur sínar og um lífið með listinni. Báðar bækurnar verða til sölu á staðnum og munu Björn og Steinunn verða til taks til að árita.